Цагийг зөв зохицуулж сурна гэдэг амьдралын үндсэн хэрэглээ. Энэ бол ялангуяа мэргэжлийнхээ карьерт амжилт гаргахад нөлөөлөх чухал хүчин зүйл юм. Тийм учраас цагийг хэрхэн зөв зохицуулж сурах техникүүдийг мэдэх хэрэгтэй.
Цаг үргэлж явж байдаг, та үүнийг зогсоож чадахгүй гэдгээ сана. Харин та үүнийг зохицуулж чадна. Цагийг зөв зохицуулснаар ажлын их ачаалалын дундуур ч та төвөг багатай гарч гэр бүлдээ зориулах цагаа ихэсгэж чадна. Танд цагаа үр бүтээлтэй ашиглаж, амжилттай байх аргуудыг танилцуулъя.
Зөвлөгөө 1. Төлөвлөгөө гарга
Төлөвлөгөө гаргана гэдэг цагийн менежментийн сайн арга. Яг одоо хийх шаардлагагүй зүйлсийг шалгаж тодруул. Жишээлбэл: ажилдаа хоцорч очих. Таны хийх зүйл бол унтаж амраад эрт босох. Ингэснээр та өглөөний цайгаа бэлдэх, хувцсаа сонгох, ажилдаа цагаасаа эрт очих боломжтой. Өөрийгөө урагшилж байна гэж бодолгүйгээр үүнийг хэвшил болго.
Зөвлөгөө 2. Хийх ажлаа жагсаа
Хийх ажлын жагсаалт бол өөрийн хэрэгцээгээ бичих гэсэн үг. Яг л дэлгүүр явахдаа худалдаж авах зүйлсээ бичдэг шиг. Жагсаалтаа зөв дугаарласан эсэхээ хянаарай, та эхлээд юу хийх, түүний дараа хаашаа явах гэх мэтээ яг таг мэдэх болно.
Зөвлөгөө 3. Систем бий болго.
Систем дээрээ ажиллаж, боломжит зүйл эсэхийг шалга. Таны цагийн менежмент ажлыг чинь явуулах төгс төлөвлөгөө байх ёстой гэдгийг анхаараарай. Энэ нь та зорилгодоо хүрэхүйц хэлбэрээр зохион байгуулагдсан байх ёстой гэсэн үг.
Зөвлөгөө 4. Бүтээлч бай
Цагаа зөв зохицуулж сурах шилдэг аргуудын нэг нь бүтээлч байдал. Цаг чухал гэдгийг та мэднэ дээ, тиймээс цагийг бүү дэмий өнгөрөө. Жишээлбэл: Та гэрийнхээ бүх ажлыг амжуулчихлаа, танд дахиад цаг байна гэж бодъё. Та цэцэрлэгрүү явж ургамалаа арчилж эсвэл гэр бүлдээ зориулж амттай хоол хийж болно шүү дээ.
Зөвлөгөө 5. Өрсөлдөгч бай.
Өрсөлдөхүйц байна гэдэг цагийг зохицуулах ухаануудын нэг. Хүмүүст өөрийгөө тэдэнтэй өрсөлдөхүйц хэмжээнд ажил хийж, илүү хурдан хугацаанд үр дүн гаргах чадвартай гэдгийг мэдрүүл.
Зөвлөгөө 6. Сахилга баттай байх.
Сахилга бат гэдэг таны цагийг зохицуулж байдаг зүйл. Та юу дуртайгаа хийж болох боловч хийж байгаа зүйл чинь танд үргэлж нөлөөлдөг гэдгийг сана. Та өөртөө зориулсан журамтай байх хэрэгтэй бөгөөд эерэг аргаар үүнийгээ сахьдаг байх хэрэгтэй.
Эдгээр аргуудыг хэрэглэн амьдралдаа амжилт гаргаарай. Цаг хугацаа таны дайсан биш, найз нөхөр чинь.